लेखक: विश्वेश्वरप्रसाद कोइराला
वि.सं. (२०४० मा?) प्रकाशित कोइरालाको ‘हिटलर र यहूदी’ उपन्यास लेखनशैली र विषय छनौटको दृष्टिले नेपाली औपन्यासिक साहित्याकाशमा पहिलो कृति थियो । महाभारतको युद्ध र यदुवंशी कृष्णको जीवनचरित्र दर्शाउँदै मान्छेको जीवनप्रति मूल्यबोध गराउन उत्प्रेरित गर्ने शास्त्रीय धरोहर गीताको युद्धकाललाई यस उपन्यासको पृष्ठभूमि बनाएका छन् कोइरालाले । मानवतावादी अवधारणाको वकालत गर्दै गीताको नयाँ ढङ्गले व्याख्या गर्ने कोइरालाको प्रयास रहेको देखिन्छ यस उपन्यासमार्फत । प्राचीनकालीन सामाजिक-राजनीतिक जीवनमा कौरव र पाण्डवबीचको युद्धले पनि कुनै समस्या समाधान गरेको थिएन । दोस्रो विश्वयुद्धको समयमा हिटलर र यहूदीबीचको युद्ध पनि समस्याहरू ज्यूँका त्यूँ राखेरै सकियो । यसकारण युद्धलाई कुनै पनि सवालमा समस्या समाधानको कड़ीको रूपमा लिन नसकिने जिकिर गर्दै युद्धविरोधी, मानवमूल्य र समानताको दार्शनिक-सामाजिक अवधारणाबाट उपन्यासको मूल जग उठाइएको छ ।
No comments:
Post a Comment